Nënshkrimi elektronik
Çfarë përfaqëson?
Nënshkrimi elektronik është një formë dixhitale e nënshkrimit që ka të njëjtën fuqi ligjore si nënshkrimi me dorë dhe shërben për të garantuar identitetin e nënshkruesit, integritetin e dokumentit dhe sigurinë e transaksioneve elektronike. Ligji nr. 9880, datë 25.02.2008 në Shqipëri përcakton kuadrin ligjor për përdorimin e nënshkrimit elektronik. Ai është një mjet dixhital i verifikueshëm që lidhet me një person dhe përdoret për të nënshkruar dokumente, kontrata apo transaksione online.
Mënyra e llogaritjes
Kostoja e nënshkrimit elektronik në Shqipëri është rreth 4,800 lekë të reja në vit për subjektet private. Pajisja me të nuk është e detyrueshme nëse subjekti nuk kryen ndryshime në QKB ose nuk ka detyrimin për të dorëzuar pasqyrat financiare pranë QKB-së. Nënshtetasit shqiptarë që duan të hapin një biznes kanë mundësinë të përfitojnë vetëm një herë një nënshkrim elektronik falas, me vlefshmëri 15 ditë.
Afatet dhe periudhat e pagesës
Nënshkrimi elektronik është i vlefshëm për një vit dhe duhet të rinovohet çdo vit. Pagesa për pajisjen me nënshkrim elektronik është rreth 4,800 lekë të reja në vit dhe kryhet zakonisht në momentin e pajisjes ose rinovimit. Pas kryerjes së pagesës, lëshimi i nënshkrimit elektronik kërkon rreth 10 ditë pune.
Mënyra e pagesës
Pasi të pajiseni me mandat–pagesën, pagesën mund ta kryeni pranë të gjitha bankave të nivelit të dytë dhe më pas t’i dërgoni studios një foto të qartë dhe të saktë të mandatit bankar të pagesës. Në komentin e pagesës duhet të vendosni emrin e plotë të individit dhe NID-in (numrin e kartës së identitetit). Pagesa mund të kryhet edhe online përmes disa subjekteve financiare të licencuara.
Pyetjet më të shpeshta (FAQ)
Si mund të pajisem me nënshkrim elektronik?
Aplikimi për pajisjen me shërbimin e nënshkrimit elektronik kryhet nga llogaria personale e qytetarit/aplikantit në portalin e-Albania, duke përdorur shërbimin:
“Aplikim për pajisje me nënshkrim elektronik për të punësuarit dhe subjektet tatimpaguese”
Një manual vizual mbi hapat e aplikimit mund ta gjeni në linkun në YouTube.
Si përdoret nënshkrimi elektronik?
Mënyrën e përdorimit të nënshkrimit elektronik mund ta ndiqni në videon udhëzuese të mëposhtme në YouTube.
Kam harruar fjalëkalimin në platformën e nënshkrimit elektronik! Si duhet të veproj?
Ka mbaruar afati i nënshkrimit tim elektronik. Si duhet të veproj?
Për rinovimin e nënshkrimit elektronik, sistemi do t’ju rikujtojë automatikisht 80, 30, 21, 14, 7, 3 dhe 1 ditë para përfundimit të afatit të vlefshmërisë. Nëse dëshironi të vazhdoni përdorimin e këtij shërbimi, duhet të aplikoni për rinovim përmes portalit e-Albania, duke përdorur shërbimin përkatës.
Si kryhet aplikimi për t’u pajisur me nënshkrim elektronik për shtetasit e huaj?
Aplikimi për shtetasit e huaj kryhet nga llogaria e biznesit në portalin e-Albania, ku aplikanti është i punësuar. Për të nisur procesin, duhet të klikoni në dritaren e aplikimit butonin “Apply for electronic signature”.
Për shtetasit e huaj, të dhënat personale plotësohen manualisht nga vetë aplikanti gjatë procedurës së aplikimit.
Si mund të kryej revokimin e nënshkrimit tim elektronik?
Procedura e revokimit të nënshkrimit elektronik kryhet me kërkesë të vetë mbajtësit të tij.
- Në rast se qytetari ka pasur nënshkrim elektronik si punonjës i një institucioni ku nuk punon më, kërkesa mund të paraqitet me shkrim ose përmes e-mailit qeveritar të tij/saj. Gjithashtu, institucioni mund të dërgojë një shkresë zyrtare drejtuar AKSHI-t, duke bashkëngjitur edhe urdhrin e shkarkimit nga puna të nëpunësit.
- Në rast se personi është i punësuar në sektorin privat, kërkesa mund të bëhet me shkresë ose përmes e-mailit personal, në adresën e helpdeskut pki@akshi.gov.al, duke bashkëngjitur edhe një foto të kartës së identitetit.
Në të dy rastet, njoftimi për kryerjen me sukses të revokimit të nënshkrimit elektronik dërgohet me e-mail nga adresa pki@akshi.gov.al tek pala që ka paraqitur kërkesën.