Çregjistrim-Likuidim
Çregjistrimi-Likuidimi
Çregjistrimi për personat fizikë dhe likuidimi për personat juridikë përfaqësojnë procese ligjore dhe administrative që formalizojnë mbylljen e një aktiviteti ekonomik. Çregjistrimi i një biznesi si person fizik realizohet kur individi vendos të ndërpresë veprimtarinë e tij, ndërsa likuidimi i një shoqërie lidhet me shpërndarjen e pasurisë, shlyerjen e detyrimeve dhe mbylljen përfundimtare të saj. Ky shërbim është i domosdoshëm për të garantuar që mbyllja të kryhet në përputhje me ligjin, duke shmangur penalitetet dhe pasojat e mëvonshme.
Çfarë ofrojmë?
Ne ofrojmë një shërbim të plotë që mbulon të gjitha hapat e nevojshëm për mbylljen e një subjekti. Përgatisim deklarimet përfundimtare që lehtësojnë procesin e çregjistrimit, ndjekim me kujdes procedurat e likuidimit dhe sigurojmë marrjen e certifikatës së çregjistrimit pranë institucioneve përkatëse. Çdo hap kryhet me saktësi dhe korrektësi, duke përgatitur dokumentacionin e domosdoshëm dhe duke ndjekur procedurat ligjore deri në përfundim, në mënyrë që mbyllja e aktivitetit të jetë e rregullt, transparente dhe pa pasoja të mëvonshme.
Kujt dhe pse i shërben?
Shërbimi i çregjistrimit dhe likuidimit u shërben të gjitha subjekteve që operojnë në treg, qofshin persona fizikë me biznes individual apo persona juridikë si shoqëri me përgjegjësi të kufizuar, shoqëri aksionare apo forma të tjera organizative. Ai është i nevojshëm për çdo biznes që ka vendosur të ndërpresë aktivitetin, pavarësisht madhësisë apo fushës së veprimtarisë, duke garantuar një mbyllje të ligjshme dhe të sigurt të çdo subjekti ekonomik.
Pyetjet më të shpeshta (FAQ)
Çfarë do të thotë kur një biznes është në status Pasiv ose Pezullim?
Pasivizimi ose pezullimi i një subjekti është një procedurë ligjore-administrative që përdoret kur një biznes nuk ushtron aktivitet ekonomik, por pronari nuk dëshiron ta çregjistrojë përfundimisht. Në këtë rast, subjekti mbetet i regjistruar në Qendrën Kombëtare të Biznesit (QKB) dhe ruan NIPT-in, por deklarohet si joaktiv.
Cilat janë përfitimet nëse e vendos biznesin në status Pasiv, në vend që ta çregjistroj?
Nëse vendosni ta bëni biznesin pasiv dhe jo ta çregjistroni, përfitoni disa avantazhe praktike si ruajtja e subjektit ligjor, pasi biznesi mbetet i regjistruar në QKB me NIPT aktiv por pa aktivitet dhe mund të riaktivizohet më vonë pa hapur një subjekt të ri; shmangia e detyrimeve tatimore gjatë periudhës së pasivitetit; fleksibilitet për të ardhmen, duke kursyer kohë dhe kosto administrative në rast se vendosni të rifilloni aktivitetin; si dhe një kosto më të ulët, pasi procesi i pasivizimit është më i thjeshtë dhe më pak i kushtueshëm krahasuar me çregjistrimin dhe hapjen e një biznesi të ri.
Në cilat raste duhet të vendoset midis çregjistrimit dhe pasivizimit të një subjekti?
Pasivizimi është zgjidhja më e mirë kur nuk jeni të sigurt për mbylljen përfundimtare të biznesit, sepse ju jep mundësinë ta rifilloni pa procedura të reja regjistrimi. Ndërsa çregjistrimi është përfundimtar dhe përdoret vetëm kur jeni të sigurt që nuk do ta ushtroni më aktivitetin.
Sa kushton shërbimi i çregjistrimit apo likuidimit?
Kostoja e shërbimit përcaktohet individualisht për çdo biznes, pasi varet nga disa faktorë si: forma juridike e biznesit (PF, SHPK, SHA, OJF, Fermer apo Ambulant); përgjegjësitë tatimore (TVSH, Tatim në Burim, Taksa Kombëtare, etj.); të ardhurat apo xhiroja; lloji i aktivitetit; numri i të punësuarve; si dhe kërkesat shtesë që biznesi mund të ketë për të përmbushur nevojat e veta.
Nëse dëshironi të merrni një çmim për shërbimin që mund t’ju ofrojmë, ju lutem plotësoni formularin duke klikuar Formularin, në mënyrë që të njihemi me llojin e aktivitetit të biznesit tuaj dhe me të dhëna të tjera që do të na ndihmojnë të përcaktojmë një çmim të arsyeshëm, të bazuar në shërbimet e nevojshme për llojin tuaj të biznesit.
Kërkesa juaj do të shqyrtohet dhe do t’ju përgjigjemi me email sa më shpejt të jetë e mundur.